Eithriadau
Pa mor aml y caiff eithriadau eu hadolygu?
Nid oes unrhyw gynlluniau ar y gweill ar hyn o bryd i adolygu’r eithriadau polisi y cytunwyd arnynt. Fodd bynnag, mae polisi newydd yn cael ei ddrafftio ar hyn o bryd mewn perthynas ag adnabod yn lleol ac eithrio adeiladau risg uchel nad ydynt efallai o fewn y rhestr eithrio y cytunwyd arni. Felly, gellir ystyried cyfnodau adolygu ar gyfer y mathau hyn o safleoedd.
Sut mae gwneud cais am eithriad?
Nid yw GTADC yn gwahodd unrhyw geisiadau am eithriadau. Fodd bynnag, os teimlwch fod gennych achos arbennig i’w wneud mewn perthynas â risg benodol, yna dylech gyflwyno achos busnes i afaenquiries@decymrutan.gov.uk . Bydd hyn yn cael ei ystyried yn erbyn meini prawf risg ond rhaid cael cynllun tân i symud tuag ato. Bydd eithriadau unigol penodol yn cael eu hystyried fesul achos.
Sut mae diffinio beth sy’n ‘arwyddocaol i’r cyhoedd’? Sut mae gwneud cais am hynny?
Nid yw GTADC yn gwahodd unrhyw geisiadau am eithriadau a bydd yn ystyried a yw adeilad o ddiddordeb cyhoeddus sylweddol ar sail unigol, yn hytrach na chyhoeddi unrhyw ddiffiniadau bras.
Mae GTADC yn cydnabod bod rhai safleoedd unigol e.e. gallai pencadlys yr heddlu neu ganolfannau hyfforddi gael effaith sylweddol ar gymdeithas/cymuned pe bai tân ac felly gellid eu hystyried ar gyfer eithriad. Unwaith eto, bydd angen penderfynu ar lefel y risg ac a all eithriad fod yn berthnasol ar sail lleoliad unigol.
Felly, os teimlwch fod gennych achos arbennig i’w wneud mewn perthynas â risg benodol, yna dylech gysylltu â GTADC drwy afaenquiries@decymru-tan.gov.uk
