Arwyr mewn Clustffonau – Wythnos Ryngwladol Ystafelloedd Rheoli 2024

Mae’r wythnos hon, 21-27 Hydref, yn Wythnos Ryngwladol Ystafelloedd Rheoli, lle rydym yn tynnu sylw at ein staff Rheoli Tân ac yn dathlu’r eu gwaith anhygoel i achub bywydau bob dydd.

Ein Diffoddwyr Tân Cyd-reoli yw calon y Gwasanaeth Tân ac Achub, gan gwmpasu 105 o orsafoedd ar draws rhanbarthau Canolbarth a Gorllewin a De Cymru, i sicrhau ein bod yn ymateb yn effeithiol i ddigwyddiadau.

Gan weithio’n aml mewn amgylchedd cyflym a heriol, yn 2023/24 roedd ein Hymladdwyr Tân Ystafell Reoli wedi ateb tua 162 o alwadau y dydd ar gyfartaledd, gan mai nhwythau yw’r pwynt cyswllt cyntaf ar gyfer galwadau brys a galwadau nad ydynt yn ymwneud ag argyfwng ill ddau, gan ddelio’n fynych â sefyllfaoedd heriol dros ben.

Maent yn cael eu hadnabod gyda chynhesrwydd fel ‘arwyr mewn clustffonau’, ac mae ein Hymladdwyr Tân Rheoli yn delio ag ymholiadau ffôn cyffredinol, cymryd galwadau 999, a danfon yr adnoddau tân angenrheidiol i ddiwallu anghenion unrhyw ddigwyddiad.

Manteisiodd GTADC ar y cyfle i ymweld â’n Hystafell Cyd-reoli ar y Cyd ym Mhen-y-bont ar Ogwr, i siarad â rhai o’r staff am eu rolau, a’r hyn sy’n achosi iddynt  eisiau dod i’r gwaith a gwneud eu swyddi bob dydd.

Dywedodd Clare Walker sy’n Ddiffoddwr Tân Systemau’r Ystafell Gyd-reoli,: “Gall y rôl fod yn straen, ac mae rhai digwyddiadau yn aros yn eich cof, mae’n heriol achos dim ond modd clywed y digwyddiad sy gyda chi, heb weld beth sy’n digwydd, a gorfod aros am y neges ‘stopio’ i wybod y canlyniad – ond mae’n rhoi boddhad mawr ar yr un pryd.”

Yn rhinwedd y swydd mae’n ofynnol i Ymladdwyr Cyd-reoli Tân fod yn unigolion cadarnhaol a hyblyg sy’n gallu ymateb yn gyflym i sefyllfaoedd brys a blaenoriaethu tasgau i helpu pob aelod o’r gymuned.

Dywedodd Mike Toseland, Diffoddwr Tân Ystafell Reoli: “Rwyf wrth fy modd â’r rôl, mae pob dydd yn wahanol, rwy’n meddwl o hyd ac yn ar flaenau fy nhraed o hyd. Fodd bynnag, mae cadw golwg ar bopeth a sicrhau bod yr holl wybodaeth yn cael ei darparu yn gallu bod yn heriol.”

Ym mis Tachwedd eleni, bydd recriwtiaid newydd yn cael eu croesawu i’n Hystafell Reoli. Byddant yn ymgymryd â rhaglen hyfforddi fanwl a fydd yn darparu’r sgiliau sylfaenol hanfodol iddynt ddod yn Ddiffoddwyr Tân Ystafell Reoli galluog.

Ychwanegodd Clare: “Mae’r hyfforddiant yn barhaus ac mae cymaint i’w ddysgu bob amser, mae bod yn rhan o Ystafell Cyd-reoli’n golygu bod angen i’n Hymladdwyr Tân Ystafell Reoli adnabod y ddau Wasanaeth.”

Dywedodd Natalie Pearce, Rheolwr Grŵp Cyd-reoli Tân: “Mae gweithio yn yr Ystafell Reoli ers dros 28 o flynyddoedd wedi bod yn fraint gen i, ac rwy’n falch o’r gwaith y mae ein tîm yn ei wneud bob dydd i gynorthwyo ein cymunedau pan fydd angen arnynt a chefnogi ein Diffoddwyr tân ac ymatebwyr brys ill ddau.

“Mae ein tîm wedi ymrwymo i gefnogi ein gilydd a’r Gwasanaeth ac mae nifer o’r staff yn dathlu dros 30 mlynedd yn y rôl.”

Ymunwch â ni yr wythnos hon i ddathlu ein cydweithwyr yn yr Ystafell Reoli, sef y man cyswllt cyntaf i’r rhai mewn angen ar draws De a Chanolbarth a Gorllewin Cymru.